Endelege tal for nedbygging av jordbruksareal i Rogaland i 2019
Endelege tal viser auka omdisponering av jordbruksareal i 2019 i forhold til tidlegare år. Det er derfor framleis naudsynt å ha fokus på jordvern i planlegginga.
Dette innhaldet er meir enn eitt år gammalt. Informasjonen kan derfor vere utdatert.
I mars i år kom førebelse KOSTRA-tal (Kommune-Stats-Rapportering) for kommunal forvaltning av landbruksareal. Tala viste ein auke i omdisponering av jordbruksareal frå tidelagere år slik vi omtala i tidlegare artikkel. KOSTRA-tala er no kvalitetssikra og endelege tal viser små avvik frå førebelse tal.
Auka omdisponering av jordbruksareal
Tala viser at det i Rogaland i 2019 blei omdisponert 584 dekar dyrka jord i 2019. Dette er ein auke frå 2017 (191 dekar) og 2018 (373) dekar. Dei tre kommunane som omdisponerte mest areal i 2019 var Karmøy (179 dekar), Sandnes (97 dekar) og Gjesdal (74 dekar).
Når ikkje jordvernmål for Rogaland
Tala for 2019 viser derfor ein negativ utviklingstrend for bevaring av jordbruksareal. I vedteken Regional Jordvernstrategi for Rogaland er det eit mål om maksimalt 400 dekar omdisponert dyrka jord i året.
Kontaktpersonar
-
Anfinn Rosnes
Tlf: 51 56 89 80 / 48 14 72 13 -
Rune Lian
Tlf: 51 56 87 54