Rogaland omdisponerer mest matjord

Førebelse tal frå Statistisk sentralbyrå (KOSTRA) viser at i tillegg til 737 dekar dyrka jord, vart 160 dekar dyrkbar jord omdisponert i Rogaland i 2013. Dette er lågare enn snittet for dei siste 6-7 åra, som har vore kring 1300 dekar dyrka jord.

Det er grunn til å tru at tydeleg statleg regional praktisering av nasjonal jordvernpolitikk, medrekna bruk av motsegn, gir resultat. Ei undersøking i rapporten "Byvekst og spreidde tiltak i landbruksområda på Jæren", viste at om lag 25 % av Jærkommunane sine primærønskje om nye utbyggingsareal vart teke ut av kommuneplaner med bakgrunn i motsegner, faglege råd og krav frå Fylkesmannen eller Fylkeslandbruksstyret.

Transformasjon i by- og tettstad, god arealutnytting, kollektivutbygging og gode overordna arealplanar i kommunane er avgjerande for at nedbygging av matjord kan reduserast framover.

Omdisponering til samferdsle, bustad og næring har størst omfang i Rogaland. I 2013 blei 198 dekar omdisponert til samferdsle, 143 dekar til bustad og 121 dekar til næring.

I fylket er det Karmøy og Sola som har omdisponert mest dyrka jord. I Karmøy blei 138 dekar dyrka jord omdisponert, og i Sola blei 121 dekar omdisponert.

Førebelse tal for heile landet er at det er omdisponert 5559 dekar dyrka jord.