Frå 1. mars kan du søkje om produksjonstilskot
Fristen for å søkje om produksjonstilskot er 15. mars. Søknadssystemet opnar for registrering 1. mars. Vi tilrår at du søkjer i god tid før fristen.
Dette innhaldet er meir enn eitt år gammalt. Informasjonen kan derfor vere utdatert.
Vi tilrår at du er ute i god tid med søknaden. Dersom det er noko du er usikker på kan du ta kontakt med kommunen. Det er landbrukskontoret i kommunen som behandlar søknaden og som kan svare på spørsmål.
Føretaket må vere registrert i Einingsregisteret
For å kunne søkje må du ha registrert føretaket i Einingsregisteret (Enhetsregisteret). Dersom det er første gong du søkjer, kan det vere greit å ta kontakt med landbruksforvaltninga i kommunen for å få rettleiing.
Fristar
Du kan føre opp dei dyra du disponerer 1. mars. Fristen for å søkje er 15. mars. Du kan endre opplysningane i den innleverte søknaden i 14 dagar etter at søknadsfristen har gått ut, dvs. fram til 29. mars.
Trekk i utbetalinga om du leverer for seint
Du kan levere søknaden inntil 14 dager etter søknadsfristen, men då blir tilskotsutbetalinga redusert med 1000 koner for kvar dag fristen er overskriden.
Meir informasjon
Du finn meir informasjon på Landbruksdirektoratet si nettside om produksjonstilskot. Her finn du lenker til forskrift og rundskriv. Du finn også lenke til elektronisk søknadsskjema.