Regjeringa vil gi kommunane større fridom i arbeidet med utsette barn og unge

Regjeringa har sett at korleis arbeidet blir finansiert kan svekkje det tverrfaglege tilbodet til utsette barn og unge. Fem direktorat jobbar saman for å endre modellen for finasiering.  Nye måtar blir sjekka ut i Pilot for programfinansiering.

I Vestfold og Telemark deltek Bamble, Horten, Larvik og Siljan kommunar. Dei starta arbeidet våren 2020. Utbrotet av covid-19 har påverka framdrifta, men no er alle godt i gong. Piloten blir avslutta 30.06.2023.

Her er ei oversikt over nokre av tiltaka i dei fire kommunane:

Bamble

• Bamble vil lage ei kartlegging for å fange opp ungdom som står i fare for å falle ut av skulen.
• Dei skal prøve ut IPS (individual-placement support) som metodikk for å støtte ungdom som har slutta vidaregående skule eller som står utanfor arbeid.
• Det er laga ein rettleiar for urovekkjande skulefråvær.
• Bamble jobbar med å organisere arbeidet med utsette barn og unge best mogeleg.

Horten

• Horten skal lage ein temaplan for arbeidet med utsette barn og unge. Satsingsområde er bl.a.: folkehelse, utdanning, auka gjennomføring i vidaregåande og arbeid. Planen vil skildre korleis heile kommunen og i samarbeid med andre, skal jobbe på området.
• Nokre mål i planen:
  • Heilskaplege, koordinerte, tilgjengelege og tilpassa tenester for barn og unge og familiane deira.
  • Innan 2030 fullfører 90% vidaregåande opplæring.
  • Fleire unge i arbeid eller utdanning: Innen 2030 skal den delen av unge i alderen 16-25 år som er i utdanning eller arbeid vere minst 92%.

Larvik

• Larvik jobbar med å koordinere samhandlinga, mellom anna ved å få på plass gode verktøy, strukturar og arenaer. Utfordringane handlar om å gjennomføre det ein er einige om i praksis. 
• Larvik har etablert eit ungdomspanel som skal delta i heile pilotperioden. Det er også eit mål å ha med frivillig sektor i planlegging og gjennomføring.
• Det blir arbeidt med å auke barnehagedeltakinga for minoritetsspråklege barn.
• Ung Arena skal etablerast. Ung Arena er ein treffstad som skal arbeide mot ungdomen i kommunen.

Siljan

• Siljan sin plan for arbeidet heiter Pilot i eige liv. Det er mellom anna laga konkrete mål for desse arbeidsområda: Samhandling og medverknad, Nærvær, Foreldrestøtte.
• Kommunen har laga team som skal være ei støtte i arbeidet med å auke nærværet i skulen og hinder fråfall på vidaregåande.
• Det er utarbeidt ein rettleiar med felles praktiske og konkrete retningslinjer for førebygging av alvorleg skulefråvær og tiltak for elevar som har eit slikt fråvær.
• Det er laga rutinar for oppfølging av ungdom 16-24 år som står utanfor utdanning og arbeid.
• Det er utdanna Cos-p-veiledere (Circle of Security - parenting). Dei skal jobbe med rettleiing av foreldra og meistring av foreldrerolla. Det skal også lagast ei heimeside der foreldra kan finne støtte.