Søknad om utfylling ved Nisser Brygge i Nissedal

Nisser Brygge AS søkte 08.06.2022 (søknad oppdatert 06.12.2022) om løyve etter forureiningsregelverket til å fylle ut inntil 24 300 m³ stein over eit areal på 33 700 m² sjøbotn. Utfyllinga skal utførast ved Nisser Brygge, gbnr. 33/261 og 295 i Nissedal kommune. Dette sendte vi førehandsvarsel om 16.01.2023. På grunn av bl.a. avklaring m.o.t. drikkevassinntaket, har vi ikkje fatta vedtak i saka enda.

Under saksbehandlinga har det komme fram at tiltakshavar ønskjer å fylle sand på deler av sprengsteinfyllinga, for å få botn som likner dei naturlege forholda i området. Dei søker derfor om å fylle ut inntil 6 000 m³ sand under normal vasstand i området der dei også søker om å fylle sprengstein. For å få rett helling på botn, vil utfylling av sand også dekke 4 000 m² utanfor sprengsteinfyllinga.

Dei skal fylle ut med sand som tidlegare har vore grave opp frå Nisser i tiltaksområdet. Arbeidet skal, som ved fylling av sprengstein, utførast med gravemaskin frå land ved låg vasstand og med bruk av siltgardin.  Forholda i tiltaksområdet er dei same som for utfylling av sprengstein. Det er ikkje registrert naturverdiar i tiltaksområdet.

Eventuelle merknader til søknaden om utfylling av sand kan du merke 2022/4252 og sende innan 01.02.2024 til:

Statsforvaltaren i Vestfold og Telemark, Postboks 2076, 3103 Tønsberg eller på e-post til sfvtpost@statsforvalteren.no