Innspurt på produksjonssvikt 2023
Det går fort mot sommar. Me ynsker å få unna søknadane frå 2023 før me tek ferie.
Søknadar som kjem til oss i ferien eller rett før ferien, kan få lengre sakshandsamingstid enn det som er vanleg. De vert difor oppmoda om å presakshandsame så snart som råd.
Det ligg no i kommunane att 87 søknadar om tilskot ved produksjonssvikt frå 2023; 49 i Agros + 38 i Elf.
Sjølv om me ber om ei rask handsaming, ynsker me at de førebur søknadane tilstrekkeleg godt til at me kan handsams dei. Å måtte gå tilbake og hente manglande informasjon sinkar sakshandsaminga.
Nokre av sakene i Elf er feilsende. Men dei må også takast hand om. Legg i tilfelle inn ei kort melding og frarå at søknaden vert innvilga.
I Agros-saker der det er vanskeleg å skaffe fram dokumentasjon, og der det ser ut til å ikkje verte grunnlag for tilskot, kan gjerne søknaden trekjast. Søkjaren ordnar det sjølv via Altinn.