Vi er opptekne av at landbruket skal få naudsynt arbeidshjelp i vekstsesongen
Situasjonen vi har i landet med utbrot av koronavirus, har ført til at mange tiltak er sett i verk av nasjonale styresmakter for å hindre rask smittespreiing. Dette gjer at det no er vanskar med å skaffe seg utanlandsk arbeidskraft som mange bønder nyttar til planting og innhausting.
Dette innholdet er mer enn ett år gammelt. Informasjonen kan derfor være utdatert.
Mange organisasjonar er opptekne av dette problemet og det er sett ned ei arbeidsgruppe for å sjå på moglege tiltak. Se sak hos Noregs Bondelag: https://www.bondelaget.no/nyhetsarkiv/utenlandske-arbeidstakere-og-koronaviruset
Vi hos Landbruksavdelinga hos Fylkesmannen, vil også følgje denne situasjonen nøye. Vi ønskjer å hjelpe til med dialog, samhandling og støtte til aktuelle samarbeidspartar for å sjå på moglegheiter for å leggje til rette for bruk av anna tilgjengeleg, norsk arbeidskraft. Vi vil på heimesida vår oppdatere framdrift i denne saka. Vi er også aktive med å sende inn viktig informasjon og analyser av situasjonen og moglege konsekvensar til sentrale styresmakter.