Nye skogområde verna i Telemark

– Med dette vedtaket bevarer me viktige leveområde for mange trua artar. Regjeringa vil sikra god framdrift i skogvernet, og med årets løyving på 800 millionar kroner kan me verkeleg få opp tempoet, seier klima- og miljøminister Andreas Bjelland Eriksen.

Dagens vernevedtak omfattar 45 km2 nytt verneareal, og 34 km2 er produktiv skog.

Oversikt over dei nye naturreservata:

Ei rekkje område skal vernast framover

Samarbeidet mellom skogeigarorganisasjonane og miljøstyresmaktene om frivillig vern av privateigd skog starta i 2003, og dei første områda vart verna i 2005. Så langt er det verna 924 skogområde i dette samarbeidet. Interessa for frivillig vern av privateigd skog er stor, og det blir arbeidd med ei rekkje nye skogområde med sikte på vern.