Ny frist for innsending av søknader om fornyingsmidlar er sett til fredag 20. mars 2020.

Det vert éi utlysing av fornyingsmidlane og søknadsfristen er sett til fredag 13. mars.

Fylkesmannen har fastsett føringar for midlane, og satsingsområda for kommunane i Vestland for 2020 er følgjande:

• Kommunale tenester til:
  - helse og omsorg t.d. velferdsteknologi og auka krav innanfor rus og psykiatri
  - barnehage- og skulemiljø
  -  barnevern eller barn som er utsette for vald og overgrep
  
  
• Digital forvaltning, med vekt på brukarvenlege tenester og innhald:
  - samarbeidsprosjekt som gjer at flest mogeleg av kommunane i fylket
    bruker same kompetanse- og teknologiplattform, blir prioriterte
  
  
• Samfunnsutvikling; til dømes på desse områda:
  - rekruttering
  - interkommunalt planarbeid til dømes om folkehelse, massedeponi, oppdrett
    og akvakultur
  - kommunale planverktøy og digitale kart
  - samfunnstryggleik og beredskap
  - klimatilpassing eller tiltak for å redusere klimagassutslepp
  
  
• Interkommunale utviklingsprosjekt:
  - tenestesamarbeid på område der det har oppstått endringar som følgje
    av kommunereforma
  - samarbeid om skogbruks- og landbruksforvaltninga

I menyen til høgre finn du utsendt brev til kommunane med nærare orientering om fornying og innovasjon i offentleg sektor for 2020. Du finn og lenke til portalen Prosjektskjønn, som skal nyttast til innsending av søknader og til rapportering på prosjekt.