Tilskot til oppfølging av barn og unge med psykiske helseutfordringar og rusmiddelrelaterte problem
- Søknadsfrist:
- 11. april 2025 23:59
- Målgruppe:
- Barn og unge med psykiske helseutfordringar eller rusmiddelrelaterte problem som har behov for førebygging, utgreiing, behandling og oppfølging, og dei som lever med høg risiko for å utvikle alvorleg funksjonsnedsetting og deira familiar. For prioritet 2 er målgruppa barn og unge med psykiske helseutfordringar og rusmiddelrelaterte problem, eller reaksjonar på belastande livshendingar.
- Ansvarleg:
- Statsforvaltaren i Vestland
- Kven kan søke:
- Kommunar og interkommunale selskap, sjå regelverket kapittel 3
- Rapporteringsfrist:
- 1. april 2025 23:59
Tilskotet skal styrke tilbodet til barn og unge med psykiske helseutfordringar og problematisk rusmiddelbruk, med særleg vekt på barn og unge som har behov for langvarig, tilpassa eller samansett oppfølging.
Tilskotet skal stimulere til heilskapelege tenester og forpliktande samhandling mellom ulike nivå og sektorar – mellom kommunar og spesialisthelsetenester, mellom kommunale tenester og gjennom interkommunale samarbeid.
Tenestetilbodet skal utviklast og setjast i verk saman med brukarar/pasientar.
Vi oppmodar søkjarane om å lese regelverket nøye før de fyller ut søknads- og rapporteringsskjema.
Regelverk, søknadsskjema, rapporteringsskjema og skjema for økonomirapport finn de under "Dokument", og på heimesida til Helsedirektoratet: Oppfølging av barn og unge med psykiske helseutfordringer og rusmiddelrelaterte problemer - Helsedirektoratet
Prioriteringar
Tilskotet skal brukast til tiltak som bidreg til måloppnåing for tilskotsordninga, jamfør regelverket punkt 1.
Ifølgje regelverket blir søknadene behandla etter følgjande prioritet:
Prioritet 1:
- Delfinansiering av etablering og drift av tverrfagleg oppsøkande behandlings- og oppfølgingsteam for barn og unge etter modell av Flexible Assertive Community Treatment ung (FACT ung).
- Søkjarar til FACT ung-team må setje seg grundig inn i FACT-modellen. Les meir om FACT-ung på heimesidene til NAPHA: FACT ung - NAPHA Nasjonalt kompetansesenter for psykisk helsearbeid
Prioritet 2:
- Utvikling, tilpassing og etablering av psykiske helsetenester for barn og unge med utgangspunkt i nasjonal rettleiar for psykisk helsearbeid barn og unge: Psykisk helsearbeid barn og unge - Helsedirektoratet
- Tilskotet skal primært nyttast til stillingar til planlegging, utvikling, tilpassing og etablering av psykiske helsetenester/tilbod basert på rettleiaren Psykisk helsearbeid barn og unge. Statsforvaltaren kan etter ei skjønnsmessig vurdering dekke opplæring eller kurs og andre nødvendige tiltak.
Presiseringar:
- Ifølgje regelverket er det tilrådd å gjennomføre forprosjekt for prioritet 1 og 2.
Søknad om tilskot 2025 og rapportering for 2024
Søkjarane skal bruke søknadsskjema og rapportering- og eigenerklæringsskjema (økonomirapport) spesielt for denne ordninga.
Søknadsskjemaet sender de som vedlegg i e-post til sfvlpost@statsforvalteren.no innan 11. april 2025.
Rapporteringsskjema og skjema for økonomirapportering sender de som vedlegg i e-post til sfvlpost@statsforvalteren.no innan 1. april 2025.
- Søknadsfrist:
- 11. april 2025 23:59
- Målgruppe:
- Barn og unge med psykiske helseutfordringar eller rusmiddelrelaterte problem som har behov for førebygging, utgreiing, behandling og oppfølging, og dei som lever med høg risiko for å utvikle alvorleg funksjonsnedsetting og deira familiar. For prioritet 2 er målgruppa barn og unge med psykiske helseutfordringar og rusmiddelrelaterte problem, eller reaksjonar på belastande livshendingar.
- Ansvarleg:
- Statsforvaltaren i Vestland
- Kven kan søke:
- Kommunar og interkommunale selskap, sjå regelverket kapittel 3
- Rapporteringsfrist:
- 1. april 2025 23:59
Kontaktpersonar
-
Siri Mæland
Tlf: 55 57 22 00
Lenkjer
Dokument
- Søknadsskjema 2025 Oppfølging av barn og unge med psykiske helseutfordringer og rusmiddelrelaterte problemer
- Rapporteringsskjema 2024 - Oppfølging av barn og unge med psykiske helseutfordringer og rusmiddelrelaterte problemer
- Økonomirapportering 2024 - Oppfølging av barn og unge med psykiske helseutfordringer og rusmiddelrelaterte problemer
- Regelverk - barn og unge 2025