Tilrår vern av Berdalen naturreservat
Fylkesmannen tilrår oppretting av Berdalen naturreservat i Lærdal kommune. Berdalen har gamal furuskog av høg vernekvalitet, og grunneigar har tilbydd skogen gjennom ordninga for frivillig skogvern.
Dette innholdet er mer enn ett år gammelt. Informasjonen kan derfor være utdatert.
Området i og rundt Berdalen er vurdert som svært verneverdig, og tilrådinga er sendt Miljødirektoratet. Området er rikt på særprega og gamal furuskog og det er ikkje nyare inngrep i området frå før. Det er mykje vilt som har tilhald i området.
Framlegget om oppretting av naturreservatet var på høyring sommaren 2020, og ingen av innspela i verneprosessen uttalte seg negative til vern. Fylkesmannen tilrår at naturreservatet vert oppretta i tråd med tilbodet frå grunneigarane.
Frivillig skogvern er eit viktig tiltak for å ta vare på artsmangfaldet, og Stortinget har mål om 10 % vern av skogen i Norge.
