Husdyr

Oppdatert 03.12.2024

Husdyrproduksjonen er den viktigaste produksjonen målt i verdiskaping og sysselsetjing i norsk landbruk. I Noreg er det i underkant av 900 000 storfe (mjølkekyr, ammekyr, ungkyr og kalvar), over 800 000 vinterfora sauer, over 1,4 millionar slaktegrisar, over 4 millionar høner og meir enn 73 millionar kyllingar. Vi har også andre husdyr som hjort, lama, geit, kanin, and, gjess og kalkunar.

Husdyrproduksjonen kan delast inn i to hovudformer:

  • Grovfôrbaserte produksjonar – som mjølkeproduksjon (ku og geit) og kjøtproduksjon (ku, sau og geit) – utnyttar i hovudsak lokale arealressursar til matproduksjon og bidreg til å oppretthalde kulturlandskapet gjennom beiting og slått. 
  • Kraftfôrkrevjande produksjonar, som svine- og fjørfeproduksjon.

Husdyrkonsesjon

Husdyrkonsesjonsordninga regulerer det kraftfôrbaserte husdyrhaldet og omfattar svine- og fjørfeproduksjon. Regelverket skal leggje til rette for at svine- og fjørfeproduksjonen blir spreidd på flest mogleg gardsbruk, og set grenser for kor stor produksjon av svin og fjørfe eit gardsbruk kan ha. Du finn meir informasjon om husdyrkonsesjon på nettstaden til Landbruksdirektoratet.

Erstatningsordningar og tilskot

Statsforvaltaren har ansvar for erstatningsordningar i husdyrproduksjonen, tilskot til førebyggjande tiltak mot rovviltskadar og konfliktdempande tiltak og erstatning for tap av husdyr og tamrein til rovvilt .

Kommunane behandlar søknader om tilskot, gjennomfører stikkprøvekontrollar ved gardsbruk og rettleiar bønder. Statsforvaltaren er koordinator og rådgjevar overfor kommunane. Landbruksdirektoratet har ansvar for hovudutbetalingane til bøndene.

Mattilsynet har ansvar for dyrehelse og næringsmiddelkontroll. Landbruksdirektoratet har ansvaret for kvoteordninga for mjølk.

Avvikling av pelsdyrhald

Stortinget har bestemt at pelsdyrproduksjonen skal avviklast innan 1. februar 2025. Pelsdyrbønder kan søkje Statsforvaltaren om kompensasjon dersom du avviklar før denne fristen. Søknadskjemaet ligg på nettsida til Landbruksdirektoratet.

Vis meir


Publisert 29.09.2025

Organisert beitebruk gir verdifull utnytting av utmarka!

Ordninga organisert beitebruk sikrar bruk av utmarka - og gir stor verdiskaping. Med færre bruk og medlemar i beitelaga blir elektronisk sporing stadig viktigare for å sikre dyrevelferd og effektiv sanking.


Publisert 26.09.2025

Genuin interesse for kyr

Rekruttering til landbruksnæringa er viktig av omsyn til sjølvforsyning og beredskap. Ungdomsforeininga Jæren Young Cowboys har betydd mykje for at det er eit stort engasjement for mjølkeproduksjon.


Publisert 16.09.2025

Tap av dyr på utmarksbeite – eit komplekst bilete

Kvart år går tusenvis av beitedyr tapt. GPS-overvaking og korrekt registrering er viktige verktøy for å redusere tap og sikre dyrevelferd.


Publisert 11.09.2025

Rekordlågt sal av mjølkekvotar i 2025

Fristen for å selje heile eller delar av grunnkvota for mjølk var 15. august. Talet av søkjarar som ynskjer å selje mjølkekvotar er i år rekordlågt. På landsbasis er det 76 søknader om å selje kvota, og berre 3 søknader frå Rogaland. 


Publisert 10.09.2025

Slutt på overgangsordninga for svin: Kva må kombinertbesetningar forhalde seg til no?

Overgangsordninga i regelverket for husdyrkonsesjon blei avslutta 1. januar 2025, og det betyr at dei ordinære konsesjonsgrensene for utrangering av avlspurker no gjeld fullt ut. Dette får særlege konsekvensar for produsentar med kombinertbesetningar.  


Publisert 18.08.2025

Grovfôrsesongen har vore god for rogalandsbonden

Det har vore gode forhald til å få høg grovfôravling med god kvalitet denne sesongen. Jamt over kan rogalandsbonden vera nøgd med årets grovfôravling!

 


Publisert 13.08.2025

Frist for sal av grunnkvote er 15. august

Du kan søkje om å selje grunnkvota innan 15. august. Søknaden sendast via Altinn og behandlast av Landbruksdirektoratet. 


Publisert 08.07.2025

Kvoteforskrifta er endra, fristen for å registrera kjøp og sal av mjølkekvoter er utsett til 15. august

Ny forskrift sett 700 000 liter kumjølk og 350 000 geitemjølk som grense for kjøp av grunnkvote. Føretak som i dag har grunnkvote over grensa beheld gjeldane kvote som tak.


Publisert 25.06.2025

Kan fôr til landdyr og fisk kome frå berekraftige kjelder innan 2034?

Målretta Samfunnsoppdrag er banebrytande satsingar for å finna løysingar på definerte utfordringar innan ein tidsfrist. Regjeringa har sett mål om at alt fôr til landdyr og oppdrettsfisk skal kome frå berekraftige kjelder innan 2034, og skal bidra til å redusera klimagassutsleppa i matsystema. Den 19. juni møtte næringa, forvaltninga og forskingsmiljø til dialogmøte for å diskutera utfordringar og løsningar på samfunnsoppdraget. 


Publisert 13.06.2025

Kompensasjon for riving og opprydding av pelsdyrhus

Husk at fristen for å søke om kompensasjon for kostnader til riving og opprydding av pelsdyrhus utløper den 31. desember 2025. Vi oppfordrer alle til å være tidlig ute med å søke.