Nytt om Landbruk og mat

Store areal går ut av skogproduksjon i Rogaland

Planteaktiviteten held ikkje tritt med hogstaktiviteten i Rogaland, og stadig meir areal går over frå skogproduksjon til andre arealformål. Ei samanstilling for perioden 2011-2017 viser at utviklinga er meir omfattande enn vi tidlegare har trudd.

05.03.2018

Brev frå Fylkesmannen kjem no digitalt

Framover vil brev frå Fylkesmannen i Rogaland bli sendt digitalt. Har du huska å opprette ein digital postkasse?

01.03.2018

Nytt styre i 4H set demokratiet i fokus

Sist helg var det årsmøtet i 4H Rogaland. Nesten 200 engasjerte ungdomar i salen og mange gode innlegg, lover godt for eit aktivt 4H-år!

01.03.2018

Manglande dyrevelferd gir trekk i tilskot

I kjølvatnet av Mattilsynet sitt tilsynsprosjekt for slaktegris i Rogaland har det blitt stor merksemd rundt dyrevelferd. Tilsynsrapporten avdekte behov for oppfølging frå styresmaktene. Rogaland har 30 prosent av all svineproduksjon i Noreg. Det kan forklare noko av omfanget av dyrevelferdssakene, men forsvarar det ikkje.

01.03.2018

Tilbyr rådgiving i heile fylket

Norsk landbruksrådgiving Rogaland, kortare sagt NLR Rogaland, gir råd til bøndene om alt frå grovfôrdyrking til skjøtsel av kystlynghei. Dei er ein viktig faginstans i landbruket, og har tilsette på Helleland i sør til Ølen i nord.

28.02.2018

Marknaden etterspør frukt og bær i tunnel

Frukt- og bærprodusentar og andre i Rogaland bør vurdere å dyrke frukt og bær i tunnel. Marknaden etterspør både morellar, jordbær, bringebær og andre bærsortar. Ønskjer du å få vite meir kan du bli med på eit inspirasjonsmøte på Fruktpakkeriet i Årdal 7. mars kl 1900.

28.02.2018

2018 er året for fornying av fjøs med 15-30 mjølkekyr

Oppdragsbrevet om strategisk bruk av dei bedriftsretta investeringsmidlane til Innovasjon Noreg Rogaland er no sendt. Her er det særleg framheva at mjølkebruk med 15-30 kyr skal ha prioritet. Rogaland har fått 53 millionar kroner medrekna ekstra tildeling gjennom statsbudsjettet. Det er midlar til fleire i 2018 enn nokon tidlegare år.

27.02.2018

Skjerekurs med Stian Espedal

Korleis partere eit lam i gode delar og få mest mogleg ut av lammet med minst mogleg svinn? For å inspirere bønder til å starte med foredling blir det skjerekurs i Hjelmeland 10. mars. Stian Espedal frå Nortura vil rettleie deltakarane i dele opp lam på ein best mogleg måte

23.02.2018

Kulturarven som ressurs

Kulturminne er attraksjonar og verdifulle ressursar i lokalsamfunnet. Direktør i Kulturminnefondet Simen Bjørgen kjem til Hjelmeland 27. februar for å informere om «Kulturarven som ressurs, kvifor og korleis». I tillegg vert det korte innlegg om einskilde prosjekt i lokalsamfunnet

22.02.2018

Bønder i Rennesøy og Tysvær kan no søke tilskot til miljøvenleg gjødselspreiing

Styringsgruppa for Regionalt miljøprogram i Rogaland har utvida tilskotsområdet for miljøvenleg gjødselspreiing. No kan bønder i Vindafjord, Tysvær, Rennesøy, Randaberg, Stavanger, Sola, Sandnes, Gjesdal, Klepp, Time og Hå søkje tilskot når dei brukar spreieutstyr som anten legg husdyrgjødsla direkte på bakken, eller skyt det ned i bakken.

21.02.2018

Verdien av norsk mat

Leiar av tankesmia Agenda, Marte Gerhardsen kjem til landbrukspolitisk konferanse 19. mars. Marte Gerhardsen er som sin farfar Einar, ein engasjert samfunnsdebattant. Ho har vore politisk aktiv, men er no leiar i ei partipolitisk uavhengig tankesmie.

21.02.2018

Bønder i Bjerkreim satsar på ammekyr

Tanken om å kombinere mjølk og ammeku vekte stor interesse på eit inspirasjonsmøte i fjor. Nå legg Bjerkreim bondelag breisida til og auser på med teori og gardsbesøk. Ny samling blir arrangert 15. mars.

20.02.2018