Nytt om Landbruk og mat

No kan du søkje miljøtilskot elektronisk

Frå 1. august kan du levere søknad om regionalt miljøtilskot elektronisk. Det gjer du på Altinn. Søkte du i fjor vil du få spørsmål om å gjenbruke kartteikningane. I år blir det dermed enklare å søkje elektronisk.

05.08.2014

Ny og enklare utrekning av erstatning ved avlingssvikt på grovfôr

Statens landbruksforvaltning har fastsett endringar i forskrift om erstatning og tilskot ved klimabetinga skader saman med utfyllande opplysningar i skriv av 30.06.2014. Den nye utrekningsmåten for erstatning ved avlingssvikt på grovfôr er monaleg forenkla og mindre arbeidskrevande og gjeld frå og med vektstsesongen 2014.

23.07.2014

No kjem endringane etter jordbruksoppgjeret – dette er nytt i produksjonstilskotet

Årets jordbruksoppgjer fekk brei merksemd, og søknadsomgangen med frist 20. august er første søknadsrunde etter jordbruksoppgjeret. Nedanfor finn du dei endringane som gjeld i produksjonstilskotet frå og med komande søknadsomgang.

22.07.2014

"Land og bruk" nummer 2 - 2014

I dette nummeret står det mellom anna om jordbruksoppgjeret 2014, nye retningslinjer for samarbeid og utveksling av informasjon i saker der det er brot på dyrevelferdslova, og klimaskadar på skogen. Last ned Land og bruk nr. 2 - 2014.

20.06.2014

Tema-ark om plantevern i økologisk grønsaksproduksjon

Den norske produksjonen av økologiske grønsaker dekkjer ikkje auka etterspørselen. Mangelfull kunnskap om økologisk plantevern kan vere eit hinder for at fleire produserer økologisk.

03.06.2014

"Brød og fisk"

… var temaet for den praktiske matlagingsdelen på økologisk matkurset for tilsette i barnehage og SFO på Karmsund vidaregåande skole.

02.06.2014

Sølv til Gosen skole

Som første ungdomsskole i Noreg, har Gosen skole i Stavanger fått Debio sitt serveringsmerke i sølv. Sølvmerket inneber at over 50 prosent av maten som blir servert i kantina er økologisk.

15.05.2014

Flisfyring også på Jæren

Fleire er litt skeptiske til å satsa på flisfyring på Jæren fordi dei er usikre på om leveransar av flis vil vera trygg i åra framover. Prosjektleiar Christer Andersen i Bioenergi Rogaland har svaret klart: - Nok flis er ikkje problemet. Fleire leverandørar står klare med flisbilen for dei som vil satsa på fornybar, økonomisk og miljømessig god energi.

13.05.2014

Økologisk matkurs for barnehagar og sfo i Haugesund og Stavanger

Med dette kurset vil vi gi konkrete innspel til korleis de kan jobbe med økologisk mat i barnehagen eller på sfo. Kurset vil gi idear og tips til alt frå innkjøp og menyar til praktisk matlaging.

07.05.2014

Rogaland får meir midlar til landbruksvikarverksemda

Statens landbruksforvaltning har gjort ei omfordeling av årsverk og midlar for 2014. Etter dette har Rogaland fått ein auke på kr 675.000 slik at samla støtte for 2014 utgjer kr 6.619.900 til landbruksvikarverksemda.

10.04.2014

Rogaland omdisponerer mest matjord

Rogaland omdisponerte 737 dekar dyrka jord i 2013. Omfanget er lågare enn ein del andre år, men framleis høgast av alle fylke.

01.04.2014

”Akselererande etterspurnad” etter økologisk mat

Dette varslar Oikos på nettsida etter at SLF kom med nye salstal over økologiske produkt. Omsetnad av økologiske produkt auka med 15,7 prosent frå 2012 til 2013, og ligg no på 1,65 milliardar kroner.

21.03.2014