Nytt om miljø og klima

Fire nye verneområde til Sandnes, Sauda og Suldal kommunar - og Rogaland fylke

Om nokon er i tvil, Rogaland er også eit skogsfylke! Fredag 27.11.2020 vedtok Kongen i Statsråd at fire skogsområde i Rogaland skulle vernast for framtidige generasjonar. Dette er skog med svært høg naturverdi, og representerer ein variasjon av Rogalands skogsmiljø. Hylsskaret naturreservat har eldre furuskog og edellauvskog i Suldal kommune, Øyna naturreservat representerer ei innlandsøy med skog påverka av høg jamn fukt, Vikaneset er ei utviding med edellauvskog i Sandsfjorden i Sauda og Suldal kommunar, medan Skurvedalen i Sandnes kommune er ein urørt skogsdal med eldre blandingsskog på nordsida av Lysefjorden.

Fylkesmannen i Rogaland takkar alle grunneigarar som har bidratt til å ta vare på unike skogsmiljø og biologisk mangfald.

30.11.2020

Viper i Randaberg og Stavanger 2020

Vipe er ein sterkt trua art som slit med overleving og ungeproduksjon. Det er fleire årsakar til dette, men arealendringar og arealbruk har stor negativ verknad for ungeproduksjon spesielt.

Rogaland er framleis eit kjerneområde for viper i Noreg. Vi støtter difor aktive tiltak, i første rekke knytt til landbruk, men også med årleg kartlegging av vipe i utvalde kommunar. Saman med Stavanger kommune har vi i 2020 fått hjelp til kartlegginga av konsulentane Kjell Mjølsnes og Tor Audun Olsen. 

26.11.2020

Fylkesmannen sine oppgåver innan kommunal arealplanlegging

Fylkesmannen sine oppgåver i arealplanlegginga i kommunane, har vore eit tema som har skapt debatt i Rogaland denne hausten. Diskusjonar rundt oppgåvene våre, og måten me løyser dei på, er velkomne. Dei bidrar til refleksjon hos oss og oppdragsgivarane våre. Samtidig ser me at ikkje alle er klare over kva me faktisk er pålagde å ta omsyn til.

26.11.2020

Nytt løyve til Ecofiber Recycling AS

Ecofiber Recycling AS har fått nytt løyve etter forureiningslova. Løyve gjeld mottak og behandling av kasserte gjenstandar i glasfiber og komposittmateriale. Anlegget er plassert i Midtgårdveien 22 på Forus i Stavanger kommune.

25.11.2020

Kvotefri gaupejakt i region 1 for 2021

Rovviltnemnda har i møte 16.11.2020 vedteke kvotefri gaupejakt for heile region 1 i 2021.

19.11.2020

Stort arbeid med rydding av avfall på Vik, Jærstrendene

Jæren Friluftsråd har, i samarbeid med grunneigar og Fylkesmannen i Rogaland,  gjennomført eit storstilt ryddeprosjekt på Vik i Klepp kommune. Store mengder plast og anna avfall er fjerna. Den naturlege stranda framstår no som godt restaurert, til glede for grunneigar og dyre- og planteliv.

18.11.2020

Løyve til utslepp av prosessvatn i Gandsfjorden

Fylkesmannen har gitt Nortura Forus løyve til utslepp av prosessvatn til Gandsfjorden i 3 veker grunna arbeid med utbetring av avløpsnettet i Stavanger kommune.

17.11.2020

Løyve til tiltak i sjø i indre Bangarvågen

Buøy Invest AS har fått løyve til mudring, peling og utfylling i sjø i indre Bangarvågen i Stavanger kommune.

16.11.2020

Rundskriv om tilskotsordningane i 2021 for naturforvalting, forureining og klima

Miljøstyresmaktene set årleg i verk ei rekkje tiltak for å betre miljøtilstanden i Noreg. Rundskrivet for 2021 omtalar kriterium for tildeling, krav til søknaden, søknadsfristar o.a. som gjeld for den einskilde tilskotsordninga. For dei fleste tilskotsordningane er søknadsfristen 15. januar 2021 - men sjekk dei ulike ordningane for reglar og frist.

16.11.2020

Regionalt arbeid med klimatilpasning

Det viktigste klimatilpasningstiltaket er å redusere utslipp, men endringer kommer og vi må forberede og tilpasse oss disse. Det er billigere å forebygge enn å reparere, og det er et nasjonalt mål om at samfunnet skal klimatilpasses.

16.11.2020

Fylkesmannen fornyar Aker Solutions' mellombels løyve i Egersund

Aker Solutions AS fekk 2.juli 2020 midlartidig løyve etter forureiningslova, til utslepp av testvatn frå eit produksjonsanlegg for servicevatn. Testen skulle ha funne stad i august, men har vorte utsett. Fylkesmannen har no fornya løyvet.  

06.11.2020

Kalking har fått laks og aure tilbake i dei fleste vassdraga i Rogaland

Sur nedbør påverkar framleis vatn og vassdrag i Rogaland, spesielt i sørlege delar av fylket. Lokal kalking av sure vassdrag er blant dei viktigaste verkemidla i kampen mot den sure nedbøren. Dette er i samsvar med nasjonal satsing og internasjonale avtalar. I Rogaland blir det kalka ca. 60 innsjøar og 9 laksevassdrag. 

04.11.2020