Bruk Kostra til å utvikle kommunen
Kostra er ei forkorting for kommune-stat-rapportering. Kostra-tala gir kunnskap om det meste av verksemda til kommunen og høve til samanlikning og utvikling. Statsforvaltarane brukar ofte Kostra-data i eigne analysar av tenestetilbodet og det økonomiske handlingsrommet i kommunane. Nokre statsforvaltarar publiserer kommunebilde og andre analysar der tal frå Kostra blir brukte.
Kommunal- og distriktsdepartementet lagar kvart år ein rettleiar til kontoplanen i Kostra. På departementets nettstad finst også avklaringar om kontoplanen.
Treng du råd eller rettleiing?
Statsforvaltaren rettleiar og informerer kommunane om korrekt rapportering til Kostra, særleg om bruk av kontoplanen.
Kontakt Statsforvaltaren om du har faglege spørsmål. Statistisk sentralbyrå (SSB) har det tekniske ansvaret for Kostra-databasen, så tekniske spørsmål rettar du til SSB.