Giske
Eit sjøområde i Giske kommune skal vurderast som eit marint verneområde. Området omfattar sjøområdet mellom Giske, Valderøy og vestsida av Vigra. Giskerevet og områda vest og aust for dette er med.
Statsforvaltaren tilrår at eit sjøareal på om lag 72,8 km2 blir verna som Giske marine verneområde. Av dette er 52 km2 sett av til ei restriksjonssone med forbod mot tarehausting.
Statsforvaltaren sendte tilråinga til Miljødirektoratet. Direktoratet vil vidare gi si tilråding til Klima- og miljødepartementet, som til slutt legg forslaget fram for Kongen i statsråd.
Les dokumenta i saken her:
- Tilråding (pdf)
- Tilrådd vernekart (pdf)
- Tilrådd forskrift (pdf)
- Merknadshefte etter høyring (pdf)
- Overføringsbrev (pdf)
Det kom inn 13 høyringsinnspel på oppstartsmeldinga.
Innpela ble tatt med vidare i arbeidet. Det kom innspel frå:
- Kystverket
- Green Cycle AS
- Møre og Romsdal fylkeskommune
- Giske kommune
- Statens vegvesen
- Dupont Nutrition Norge AS
- Noregs vassdrags- og energidirektorat
- Fiskeridirektoratet
- Havforsknings Instituttet
- Bernt F og Erik A Blindheim
- Direktoratet for Mineralforvaltning
- Oljedirektoratet
- MøreNett
I juni 2019 blei det gjort kjent at Giske var eitt av 36 kandidatområde som skulle utgreiast som marint verneområde med utgangspunkt i tilråding frå Rådgivande utval for marint vern.
Arbeidet var forankra gjennom naturmangfaldmeldinga stortingsmelding 14 «Natur for livet» (2015-2016). Naturmangfaldmeldinga slår fast at «eit representativt utval av norsk natur skal takast vare på for kommande generasjonar».
Griphølen og Remman
Området som er aktuelt for marint vern i Griphølen er på 580 km2, og ligg nord for Kristiansund og sørvest for Smøla. Remman er eit grunnområde med nokre små holmar og skjer nordvest for Veiholmen på Smøla. Området er 32 km2 stort.