Kva er Natursats?
Natursats er ei tilskotsordning som skal hjelpe kommunar med å:
- Ta vare på naturmangfald
- Redusere tap av natur
- Få betre kunnskap om eigne naturverdiar
Bakgrunnen er at endringar i arealbruk, forureining og klimaendringar er blant dei største truslane mot naturen i dag.
Kven kan søkje?
Natursats er retta mot kommunar og fylkeskommunar. Alle andre kan søke gjennom anna ordning: "Tilskot til tiltak for å ta vare på natur".
Kva kan de få støtte til?
Natursats gir støtte til fleire typar arbeid. Her er nokre døme:
- Planlegging og kunnskap
- Lage kommunedelplan for naturmangfald
- Oppdatere eller revidere eksisterande planar
- Kartleggje natur og samle kunnskap
- Gjennomgang av planar
- Gå gjennom eldre arealplanar (såkalla «planvask»)
- Justere planar for å ta betre vare på natur
- Konkrete tiltak
- Praktiske tiltak for å betre naturtilstanden
- Informasjon og formidling
- Forprosjekt og planlegging
- Arealnøytralitet
- Tiltak som hindrar netto tap av natur
- Tilbakeføre natur som er bygd ned andre stader
Kvifor er dette nyttig?
Med Natursats kan kommunen:
- få betre oversikt over eigen natur
- ta betre avgjerder i arealplanlegging
- balansere utbygging og naturomsyn
- Dette gir meir føreseieleg for både innbyggjarar, grunneigarar og utbyggjarar.
Søknadsfrist
Fristen for å søkje er 15. januar kvart år, så det løner seg å starte tidleg.
Slik søkjer du
Du finn informasjon og søknadsskjema i Miljødirektoratet sitt søknadssenter.