Eksamen

Oppgåvene går ut på sensur for skriftleg eksamen i grunnskulen og grunnskuleopplæring for vaksne, og eksamen og klagebehandling for skriftleg eksamen i vidaregåande opplæring.

Skriftleg eksamen

• oppnemning og skulering av sensorar
• fordeling av sensorane i eksamenssystemet
• innkalling og gjennomføring av møter i samband med fellessensuren
• organisere klagebehandling ved klager på eksamenskarakterar
• medverke til å utarbeide karakterstatistikk
• økonomirapportering av forbruk i samband med eksamensordninga
• rettleie skular, skuleeigarar og sensorar i bruk av PAS-eksamen og prøvegjennomføringssystemet PGS

Munnleg eksamen

Munnleg eksamen er ein lokalt gitt eksamen som skuleeigar har ansvaret for. For meir informasjon sjå Utdanningsdirektoratet si side om munnleg eksamen.

Klage på eksamen

Skriftleg eksamen

Statsforvaltaren i Vestland er ikkje klageinstans for eksamensfag i grunnskulen. Oversikt over kven som er klageinstans for dei ulike faga, finn skular og skuleeigarar i PAS-eksamen under menypunktet Klageansvar.

Munnleg eksamen

Statsforvaltaren er klageinstans for klager i alle fag frå skular i Vestland.

Vidaregåande opplæring

Statsforvaltaren i Vestland er klageinstans for fleire fag frå vidaregåande skular, mellom anna språkfaga engelsk, tysk, fransk og spansk. I tillegg også samfunnsfagkodar og realfagskodar.

Sjå elles meir informasjon om eksamen på Utdanningsdirektoratet sine sider.