Bustadsosialt arbeid

Oppdatert 05.07.2024

Hausten 2021 vart kommuneretta oppgåver frå to regionkontor hos Husbanken overført til statsforvaltarane i Nordland, Vestland og Rogaland, som eit treårig forsøk. Målet var å skape eit sterkt fagmiljø der bustad vert sett i samanheng med fagområde som helse, sosial, rus, barnevern og arbeidsliv. Frå 1. september 2024 blir oppgåvene flytta tilbake til Husbanken.

Statsforvaltaren har gjennom forsøket rettleia kommunar i Nordland, Vestland og Rogaland i tema som høyrer inn under det bustadsosiale arbeidet. Døme er heilskapleg bustadplanlegging i kommunen, bustader for eldre, nullvisjon for bustadløyse og tiltak for at barnefamiliar, unge uføre og andre utsette grupper kan få eige sin eigen bustad.

Det er mange som må spele på lag for at vi skal lukkast med den sosiale bustadpolitikken. Kommunane har ulik storleik, organisering og ulike utfordringar. Strategien «Alle trenger et trygt hjem» (2020-2024), peikar på seks suksessfaktorar som grunnleggjande for å nå måla i det bustadsosiale arbeidet:

forankring og eigarskap
organisering og samordning
overordna strategi
kompetanse
økonomiske ressursar
brukarmedverknad

Statsforvalteren og Husbanken ønskjer å vidareutvikle samarbeidet når oppgåvene blir flytta tilbake til Husbanken. Statsforvaltaren er framleis klageinstans for saker som gjeld kommunane sitt ansvar på det bustadsosiale feltet.

Vis meirSlå saman

Publisert 12.08.2022

Der Ungdommen Er

Der Ungdommen Er – DUE – er eit ubyråkratisk barnevernstiltak og bu- og nærmiljøtiltak i Bergen kommune. Frå oppstarten i 2003 til mars 2022 har om lag 700 born, ungdommar og deira familiar motteke miljøterapeutisk oppfølging gjennom DUE-tiltaket.

Publisert 31.03.2022

Barn og unge skal ha ein trygg heim

Alle har rett på ein plass å bu. Det viktigaste kommunane kan gjera, er å bruka startlånet aktivt for å hjelpa vanskelegstilte barnefamiliar til å kjøpa eigen bustad.

Publisert 25.02.2022

Digital rettleiingsressurs for arbeid med rus, psykisk helse og bustad

Den digitale verktøykassa veiviseren.no samlar døme, verktøy og tips som kan vere nyttig i kommunens arbeid med å skaffe bustad og tenester til personar som har utfordringar innan rus og psykisk helse

Publisert 10.02.2022

Dei gode bustadsosiale grepa – erfaringar frå bustadsosialt arbeid

For å nå måla i den bustadsosiale strategien Bolig for velferd (2014–2020), har Husbanken gjennomført eit bustadsosialt kommuneprogram. I programperioden har mellom anna fleire vanskelegstilte barnefamiliar fått høve til å kjøpe eigen bustad, og fleire kommunar samordnar i større grad bustad og tenester.

Publisert 02.02.2022

Velferdsteknologi som verkemiddel i bustadsosialt arbeid

Høgskulen på Vestlandet har utarbeida ein rettleiar om korleis velferdsteknologi kan gjere det lettare for personar med samansette og langvarige rus- og psykisk helseutfordringar å få tilgong til og behalda eigna bustad over tid. Rettleiaren kan vere til nytte for kommunane i deira bustadsosiale arbeid.

Lenkjer

Lov om kommunane sitt ansvar på det bustadsosiale feltet (lovdata.no) Alle trenger et trygt hjem - nasjonal strategi for den sosiale bustadpolitikken (regjeringa.no) Bustadsosial monitor (Husbanken) Nasjonalt kompetansesenter for psykisk helsearbeid (Napha.no) Statistikkbanken (Husbanken.no) Evaluering av forsøket med oppgåveoverføring (menon.no)