Det tilbode område for frivillig skogvern utgjer tre delområde fordelt på eigedomane gnr/bnr: 728/1, 728/2, 728/3, 728/4, 728/5, 728/6 728/8,10 og 728/13 i Voss herad. Totalt er området på 2 095 dekar, derav 1 931 dekar skog og 1 231 dekar produktiv skog.
Etter oppstartsmeldinga har området fått namneendring frå «Kaland» til «Djønno», for å treffe betre med arealet som vert verna.
Frivillig vern av området inneber at skogeigarane tilbyr vern av eigen skog til staten. Det er eit nasjonalt miljømål at eit representativt utval av naturtypar og viktige artsførekomstar i skog blir verna for kommande generasjonar. Vern av skog er i tillegg viktig for å nå mange andre miljømål vedtekne av Stortinget.
Les gjerne meir om verneverdiar, bruksinteresser, heimelsgrunnlag, med meir i høyringsdokumentet til høgre.