Kunngjering av løyve - graving i forureina grunn - Dokkeskjærskaien i Bergen for Statsbygg

Statsbygg planlegg etablering av nybygg for Havforskingsinstituttet og Fiskeridirektoratet på gnr/bnr 164/1 og 164/3, Dokkeskjærskaien i Bergen kommune. Gjennomføringa av tiltaka i tiltaksplanen føreset vedtak med løyving frå Stortinget om gjennomføring av prosjektet, med påfølgjande kjøp av tomt. Statsbygg ønskjer løyvet no, sidan det skal inngå i grunnlaget for kontrahering av totalentreprise for prosjektet.

Løyvet gjev vilkår for handtering av forureina gravemasser og rensing av forureina byggegropsvatn som oppstår under arbeida. 

Søknad og løyve med vilkår ligg til høgre på denne sida.
Løyvet ligg også på www.norskeutslipp.no. 

Rett til å klage

Partane som er involvert i saka og andre med særlege interesser, kan klage på vedtaket innan fire veker. Klaga skal sendast til Statsforvaltaren, som kan gjere om vedtaket eller sende klaga vidare til Miljødirektoratet. Merk klaga med referansenummeret 2023/18558.