Vitnemål om norsk landbrukshistorie
Ormeli er ein del av satsinga Utvalde kulturlandskap i landbruket. Tunet og bygningane har vore under restaurering i mange år, men er no opna for besøkande. Stiftinga Ormeli har stått i spissen for restaureringa av dei historiske bygningane. Det artsrike kulturlandskapet er halde i hevd gjennom slått, hesjing og høyberging.
Ormeli er den øvste av to høgdegardar inst i Fortundalen. Her har menneske og husdyr livnært seg heilt sidan slutten av steinalderen. Spor etter jordbruk og beitedrift viser at området har vore i bruk gjennom fleire tusen år, også gjennom svartedauden.
Fleire særeigne landskap i Vestland
Dei 51 utvalde kulturlandskapa i Noreg er særeigne jordbrukslandskap med store biologiske og kulturhistoriske verdiar skapt av menneske i samspel med naturen gjennom generasjonar. I Vestland har vi sju slike område; Ormeli i Luster, Grinde og Engjasete i Sogndal, Stadlandet i Stad, Lærdal UKL, Havrå i Osterøy, Gjuvslandslia i Kvinnherad og Sørfjorden i Ullensvang.
Les meir om historia og restaureringa av Ormeli.
