Bakgrunnen for saka er dei mange store infrastrukturprosjekta som er planlagde i regionen dei komande åra. NCC ønskjer å ta imot overskotsmassar og foredle dei til nye bygg- og anleggsmaterialar som pukk, grus og sand.
Massar til attvinning vert tillate lagra på anlegget i inntil 10 år før foredling. Tiltaket skal bidra til at overskotsmassar vert handterte ved eit godkjent anlegg med miljøkontroll, framfor i uregulerte fyllingar.
Sidan steinknuseverket ligg oppstraums for Gaupåsvatnet, er løyvet gjeve på vilkår om kontroll av mottekne massar og utslepp til vatn.
Informasjon
Løyve med vilkår og søknad om løyve ligg under dokument på denne sida.
Løyvet ligg også på www.norskeutslipp.no.
Rett til å klage
Partane som er involvert i saka og andre med særlege interesser, kan klage på vedtaket innan fire veker. Klaga skal sendast til Statsforvaltaren, som kan gjere om vedtaket eller sende klaga vidare til Miljødirektoratet. Merk klaga med referansenummeret 2023/13743.