English Norsk (bokmål) Davvisámegiella Åarjelsaemiengiele

Nyhende

Alvorlege hendingar i helsetenestene

I 2020 kom det 92 meldingar om alvorlege hendingar frå helsetenestene i Vestland fylke.

23.04.2021

Tilgang til verjehavar si skattemelding

Fristen for å levere verjerekneskapen for 2020 er 30. april 2021. Verja må mellom anna leggje fram skattemeldinga til personen med verje. Her kan du lese meir om kva verja må gjere for å få tilgang til denne skattemeldinga.

22.04.2021

Elektronisk melding til Statsforvaltaren i Vestland via Altinn

Fleire har meldt frå om at dei ikkje får velje Vestland som mottakar ved utfylling av elektroniske skjema til oss via Altinn. Det er òg nokon som får feilmelding dersom dei opnar elektroniske skjema direkte inne i Altinn.

22.04.2021

Gloppen kommune innmeld i Robek

Gloppen kommunestyre har vedteke eit budsjett og ein økonomiplan der meirforbruket frå 2019 ikkje er nedbetalt innan fristen. Kommunen er derfor innmeld i Register om betinga godkjenning og kontroll (Robek).

16.04.2021
Vestnorsk regnskog er ein naturtype som vi har eit særleg ansvar for å ta vare på. Her trivst artar i det milde og våte vêret som ikkje kan overleve på tørrare stader. Grunneigar Knut Håvard Brosvik ønskjer å verne skogen for ettertida.

Vi startar verneprosess for Brosvikvatnet naturreservat i Gulen

Etter dialog med grunneigarane melder vi formell oppstart av skogvernprosess for Brosvikvatnet i Gulen kommune. Du er velkommen til å sende innspel til oppstartsmeldinga innan 9. mai 2021. 

13.04.2021

Klimaomstillingskonferansen 2021

Torsdag 29. april arrangerer vi årets utgåve av den nasjonale konferansen #Klimaomstilling2021

13.04.2021
Lind er eit edellauvtre og trivst berre i utvalte, varme lommer i fylket. Lind kan ha tydinga "skjold" som skildra i Snorre-Edda, og vikingane brukte treet for å lage skjold grunna gode eigenskapar som låg vekt og fordi det er lett å skave i. Lind er ein viktig levestad for biomangfald, kanskje av same grunn?

Høyring av frivillig skogvern for Loftesnes i Sogndal

Som ein del av arbeidet med frivillig skogvern sender vi forslag om vern av Loftesnes naturreservat på høyring. Du er velkommen til å sende inn uttale innan 10. juni 2021.

09.04.2021

Midlertidige korona-lover er forlenga

Tre mellombelse lover for utdanningssektoren er forlenga med tre månader frå 9. april 2021.

09.04.2021
Alm er eit tre som står på den norske rødlista, det betyr at den er truga. Almen er levestad for mange artar av insekt, lav og sopp, slik ein ser spor av på dette gamle, døande treet i Lykkja. Det er meir liv i eit dødt tre enn eit levande, men vi treng tre i alle livsfasar for å sikre naturmangfaldet. Seks av ti landlevande artar i Noreg treng skog for å overleve.

Vi startar verneprosess for Lykkja naturreservat i Årdal

Etter dialog med grunneigarane melder vi formell oppstart av skogvernprosess for Lykkja i Årdal kommune. Du er velkommen til å sende innspel til oppstartsmeldinga innan 1. mai 2021. 

09.04.2021

Fast avløysar som fylkesberedskapssjef

Anne Catherine Fasmer Eide tek over rolla som avløysar for fylkesberedskapssjef Haavard Stensvand frå 14. april, medan Mari Severinsen er i permisjon. 

06.04.2021