Kunngjering av endra løyve til anleggsarbeid i sjø , Larsvågen Bømlo

Wärtsilä Norway AS fekk den 2. juli 2018 løyve etter forureiningslova til utfylling av inntil 77 000 m3 steinmassar over forureina sjøbotn i Larsvågen. Formålet er å etablera nytt land i samsvar med gjeldande reguleringsplan. Løyvets varigheit er forlenga med to år. 

Løyvet med vilkår ligg til høgre på denne sida. Løyvet ligg òg på www.norskeutslipp.no. 

Rett til å klage

Partane som er involvert i saka og andre med særlege interesser kan klage på vedtaket innan tre veker. Klagen skal sendast til Statsforvaltaren, som kan gjere om vedtaket eller sende klagen vidare til Miljødirektoratet. Merk klagen med referansenummer 2021/6764.