Nyheiter - landbruk og mat

Regionalt miljøprogram 2013-2016

Regionalt miljøprogram for 2013-2016 er revidert. Det er gjort store endringar i miljøprogrammet med meir vekt på reduksjon i avrenning og mindre vekt på kulturlandskap og estetiske verdiar. Fleire bønder kan få nytte av tiltaka, og det nye miljøprogrammet har ein tydelegare miljøprofil. Denne artikkelen gjeld 2013.

18.07.2013

Konferanse om matkultur og reiseliv

Reiselivsbransjen ønskjer å bruke meir lokal mat og å framheve norsk matkultur. Men korleis greie dette i praksis? Den Norske Matfestivalen i Ålesund og samarbeidspartar inviterer til ein matnyttig og smakfull konferanse om matkultur og reiseliv tysdag 20. august 2013, dagen før opninga av årets matfestival.

17.07.2013

Ønskjer kandidatar til kulturlandskapsprisen

Fylkesmannen i Møre og Romsdal vil også i år dele ut sin kulturlandskapspris. Prisen skal gå til ein eller fleire gardbrukarar som utmerkar seg med miljøvennleg drift. Vi inviterer alle til å kome med forslag til prisvinnar før 15. august 2013.

02.07.2013

Forskrift om tilskott til drenering er klar

Landbruks- og matdepartementet har fastsett forskrift om tilskott til drenering av jordbruksjord. Det er i jordbruksavtalen sett av 100 millionar kroner for 2013 og 100 millionar kroner for 2014 til drenering. Både eigar av jordbruksjord og leigar av jordbruksjord kan søke kommunen om tilskott.

27.06.2013

Endringar i jordlova og odelslova

Stortinget har ferdigbehandla to lovforslag frå Landbruks- og matdepartementet (LMD). Det eine gjeld endringar i delingsbestemmelsen i jordlova § 12. Det andre gjeld endringar i odelslova, nærare bestemt innskrenkingar i odelskretsen og oppheving av bestemmelsen om odelsfrigjering av tilleggsjord.

20.06.2013

Landbruket i Tingvoll presenterer seg i brosjyre

Landbruket i Tingvoll bidrar med gode og robuste arbeidsplassar, levande lokalsamfunn og rikt kulturlandskap. I tillegg forvaltar næringa naturressursane på ein berekraftig måte. Tingvoll kommune og Landbruksrådet i Tingvoll ønskjer gjennom ei nylaga brosjyre å vise kva landbruket betyr for kommunen.

03.06.2013

Hugs å melde vinterskade på eng

Mange bønder har fått vinterskade på enga etter den harde vinteren, særleg i indre og høgare strok i fylket. For å få tilskott til utbetring etter vinterskade, er det viktig å gje melding til kommunen i god tid før utbetringa startar, slik at vinterskadane kan kontrollerast.

21.05.2013

Glimrande gran på Nordvestlandet

Grana på Nordvestlandet har strålande eigenskapar. Det viser ein råvareanalyse for områda nord for Sognefjorden til og med Møre og Romsdal fylke.

16.05.2013

Ny giv i bygda? Søk støtte til bygdemobilisering!

27.03.2013

Treng me kvinnfolk i landbruket?

I mange land står kvinner for mesteparten av matproduksjonen. I Noreg er situasjonen ein annan. I svært mange tilfelle er bonden ein mann og kvinna har arbeid utanfor bruket. Påverkar dette landbruket og norske bygder? Er det ønskjeleg å snu trenden?

14.02.2013