Trygt og godt skulemiljø – ansvar og oppfølging

Skulen si aktivitetsplikt gjeld uavhengig av kva som er grunnen til at ein elev ikkje opplever det som trygt og godt. Skulen skal følgje med, gripe inn, varsle, undersøkje og setje inn tiltak når ein elev seier ifrå – eller når det er mistanke om at noko ikkje er bra.

Det er ikkje eit krav at det ligg føre mobbing eller andre alvorlege hendingar for at aktivitetsplikta skal gjelde. Også forhold som manglande tilrettelegging, dårleg klassemiljø eller lite støtte frå vaksne kan utløyse plikta til å handle.

I arbeidet med skulemiljøet er det elevens subjektive oppleving som står sentralt. Det betyr at skulen ikkje kan avvise ei sak fordi dei sjølve vurderer situasjonen annleis. Dersom ein elev opplever skulekvardagen som utrygg eller belastande, skal skulen undersøkje saka og setje inn eigna tiltak.

Dette stiller krav til at skulen lyttar til eleven og involverer eleven i arbeidet med å finne gode løysingar.

Når skulen set inn tiltak, må dei vere eigna til å betre situasjonen for den aktuelle eleven. Tiltaka må tilpassast årsaka til at eleven ikkje har det bra. Det kan til dømes vere:

• betre tilrettelegging av opplæringa
• oppfølging av relasjonar mellom elev og lærar
• tiltak i klassemiljøet
• struktur og føreseielegheit i skulekvardagen

Tiltaka skal evaluerast og justerast dersom dei ikkje har ønskt effekt.

Elevar over 15 år har sjølvråderett i sakar knytta til utdanning.

Føresette eller andre kan berre melde på vegne av eleven dersom dei har fått fullmakt. 

For elevar over 18 år er det elevens eigne rettar som gjeld fullt ut. Det betyr at det som hovudregel er eleven sjølv som må melde saka dersom skulemiljøet ikkje blir opplevd som trygt og godt.

Føresette eller andre kan berre melde på vegner av eleven dersom dei har fått fullmakt. Skulen og statsforvaltaren må forhalde seg til eleven direkte, og eleven skal sjølv involverast i oppfølginga av saka.